IPL 20: CSK ವಿರುದ್ಧ RRಗೆ 16 ರನ್ ಗಳ ಗೆಲುವು

ಯುಎಇ ದೇಶದ ಶಾರ್ಜಾದಲ್ಲಿ ಇಂದು ಬುಧವಾರ ರಾತ್ರಿ ಮುಕ್ತಾಯಗೊಂಡ ಐಪಿಎಲ್-20 ಋತುವಿನ 4ನೇ ಪಂದ್ಯದಲ್ಲಿ ಬಲಿಷ್ಠ ಚೆನ್ನೈ ಸೂಪರ್ ಕಿಂಗ್ಸ್ ತಂಡವನ್ನು ರಾಜಸ್ತಾನ್ ರಾಯಲ್ಸ್ ತಂಡ 16 ರನ್ ಗಳಿಂದ ಸೋಲಿಸಿದೆ.
ಟಾಸ್ ಗೆದ್ದ CSK ತಂಡದ ನಾಯಕ ಮಹೇಂದ್ರ ಸಿಂಗ್ ಧೋನಿ ಮೊದಲು ಫೀಲ್ಡಿಂಗ್ ನಡೆಸಲು ತೀರ್ಮಾನಿಸಿದರು.
ಇದರಿಂದ ಮೊದಲು ಬ್ಯಾಟ್ ಮಾಡಲು ಆಗಮಿಸಿದ ರಾಜಸ್ತಾನ್ ರಾಯಲ್ಸ್ ತಂಡ ಓಪನರ್ ಜೈಸ್ವಾಲ್ ಅವರನ್ನು 11 ರನ್ ಸ್ಕೋರ್ ಆಗಿದ್ದಾಗ ಕಳೆದುಕೊಂಡಿತು. ಆದರೆ ಬಳಿಕ ಸಂಜು ಸ್ಯಾಮ್ಸನ್ ಅವರು ನಾಯಕ ಸ್ಟೀವ್ ಸ್ಮಿತ್ ಜೊತೆ ಭರ್ಜರಿ ಆರಂಭ ಒದಗಿಸಿ ಬೌಂಡರಿ,ಸಿಕ್ಸರ್ ಬಾರಿಸತೊಡಗಿದರು. ಇದರಿಂದ ರಾಜಸ್ತಾನ್ ನಿರಾಯಸವಾಗಿ‌ 200 ರನ್ ಬಾರಿಸುವ ನಿರೀಕ್ಷೆ ಸೃಷ್ಟಿಯಾಯಿತು.‌ RR ತಂಡ 132 ರನ್ ಗಳಿಸಿದ್ದಾಗ
ಸ್ಯಾಮ್ಸನ್ ಬಿರುಸಿನ 74 ರನ್(32 ಎಸೆತ,9 ಬೌಂಡರಿ,9 ಸಿಕ್ಸರ್) ಗಳಿಸಿ ಔಟಾದರು.
ಸ್ಮಿತ್ ಅವರು ಕೇವಲ 47 ಚೆಂಡುಗಳಲ್ಲಿ 4 ಬೌಂಡರಿ,4 ಸಿಕ್ಸರ್ ಹೊಂದಿದ 69 ರನ್ ಗಳಿಸಿ ಕೊನೆಯಲ್ಲಿ ಔಟ್ ಆಗಿ ಪೆವಿಲಿಯನ್ ಸೇರಿದರು.‌ RR ತಂಡ ಬೇಗನೆ ವಿಕೆಟ್ ಕಳೆದುಕೊಂಡರೂ ಜೊಫ್ರ ಅರ್ಚರ್ ಕೇವಲ 8 ಎಸೆತಗಳಲ್ಲಿ 4 ಸಿಕ್ಸರ್ ಹೊಡೆದು ಅಜೇಯ 27 ರನ್ ಗಳಿಸಿ RR ತಂಡ 216 ರನ್ ಗಳಿಸಲು ಕಾರಣರಾದರು.
CSK ಪರ ಸಾಮ್ ಕುರ್ರನ್ 33 ರನ್ ನಿಡಿ 4 ವಿಕೆಟ್ ಗಳಿಸಿದರು.
ಬಳಿಕ CSK ಬ್ಯಾಟ್ ಮಾಡಲು ಆರಂಭಿಸಿ ಓಪನರ್ ಗಳಾದ ಮುರುಳಿ ವಿಜಯ್-ಶೇನ್ ವ್ಯಾಟ್ಸನ್ ಅವರ ವೇಗದ ಬ್ಯಾಟಿಂಗ್ ನಿಂದ 56 ರನ್ ಗಳಿಸಿದ್ದಾಗ ಕನ್ನಡಿಗ ಸ್ಪಿನ್ನರ್ ಶ್ರೇಯಸ್ ಗೋಪಾಲ್ ಅವರು ಶಾಕ್ ನೀಡಿ ಮುರುಳಿ ವಿಜಯ್ ಅವರನ್ನು ಔಟ್ ಮಾಡಿದರು. ಬಳಿಕ ಶೇನ್ ವ್ಯಾಟ್ಸನ್ ಅವರೂ ಸಹ ಔಟಾದರು. ಹೀಗೆ ಚೆನ್ನೈ ಸೋಲಿನತ್ತ ತಿರುಗಿದಾಗ ಡುಪ್ಲೆಸಿಸ್ ನಾಯಕ ಧೋನಿ ಜೊತೆಗೂಡಿ
ಬಿರುಸಿನ ಆಟವಾಡಿದರು. ಆದರೆ CSK ಸ್ಕೋರ್ 179 ಆದಾಗ ಡುಪ್ಲೆಸಿಸ್ 72 ರನ್(34 ಎಸೆತ,1 ಬೌಂಡರಿ,7 ಸಿಕ್ಸರ್) ಗಳಿಸಿ 6ನೇ ವಿಕೆಟ್ ಆಗಿ ಬಲಿಯಾಗಿದ್ದು CSK ತಂಡಕ್ಕೆ ಆಘಾತ ತಂದಿತು. ನಾಯಕ ಧೋನಿ ಅವರಿಗೆ ಯಾರೊಬ್ಬರ ಸಾಥ್ ಸಿಗದೆ CSK ಸೋಲು
ಸಾಗಿತು. ಆದರೆ ಕಡೆಯ ಓವರ್ ನಲ್ಲಿ ಧೋನಿ ಅವರು ಸತತ 3 ಸಿಕ್ಸರ್ ಬಾರಿಸಿ RR ತಂಡದ ಗೆಲುವಿನ ಅಂತರವನ್ನು 16 ರನ್ ಗಳಿಗೆ ಇಳಿಸಿದರು.
RR ತಂಡದ ಪರ ರಾಹುಲ್ ತೆವಾಟಿಯ 37 ರನ್ ನೀಡಿ 3 ವಿಕೆಟ್ ಗಳಿಸಿದರು. ಉಳಿಸಂತೆ ಕನ್ನಡಿಗ ಶ್ರೇಯಸ್ ಗೋಪಾಲ್-ಚೋಪ್ರಾ ಅರ್ಚರ್-ಕುರ್ರನ್ ತಲಾ 1 ವಿಕೆಟ್ ಗಳಿಸಿದರು.
ಅಂತಿಮವಾಗಿ CSK ನಿಗದಿತ 20 ಓವರ್ ಗಳಲ್ಲಿ 7 ವಿಕೆಟ್ ನಷ್ಟಕ್ಕೆ 200 ರನ್ ಗಳಿಸಿ ಟೂರ್ನಿಯಲ್ಲಿ ಮೊದಲ ಸೋಲು ಕಂಡಿತು.
ರಾಜಸ್ತಾನ್ ರಾಯಲ್ಸ್ ಪರ 32 ಎಸೆತಗಳಲ್ಲಿ 9 ಬೌಂಡರಿ,9 ಸಿಕ್ಸರ್ ಹೊಡೆದು 74 ರನ್ ಗಳಿಸಿದ್ದ ಸಂಜು ಸ್ಯಾಮ್ಸನ್ ಅವರು ಸಹಜವಾಗೇ ಪಂದ್ಯ ಪುರುಷೋತ್ತಮ ಪ್ರಶಸ್ತಿ ಗಳಿಸಿದರು.
ಈ ಗೆಲುವಿನ ಮೂಲಕ ರಾಜಸ್ತಾನ್ ರಾಯಲ್ಸ್ ತಂಡ ರನ್ ರೇಟ್ ನಲ್ಲಿ RCB ತಂಡವನ್ನು 2ನೇ ಸ್ಥಾನಕ್ಕೆ ತಳ್ಳಿ ಅಂಕಪಟ್ಟಿಯಲ್ಲಿ ಅಗ್ರಸ್ಥಾನಕ್ಕೇರಿತು.
ಕೆ ಟಿವಿ ನ್ಯೂಸ್ ಶಾರ್ಜಾ

Add Comment