ಜನರ ಪಾಲಿಗೆ ಡೇಂಜರ್ ಆಗ್ತಿದ್ಯಾ ಮೆಟ್ರೋ ಕಾಮಾಗಾರಿ..!
ರಾಜಧಾನಿಯಲ್ಲಿ ಮೆಟ್ರೊ ಕಾಮಗಾರಿಗೆ ಸಂಬಂಧಿಸಿದ ನಿರ್ಲಕ್ಷ್ಯದಿಂದ ದುರಂತವೇ ಆಗಿಹೋಗಿದೆ. ಇಬ್ಬರು ಅಮಾಯಕರು ಪ್ರಾಣ ಕಳೆದುಕೊಂಡಿದ್ದಾರೆ. ನಿರ್ಮಾಣ ಹಂತದ ಮೆಟ್ರೋ ಪಿಲ್ಲರ್ನ ರಾಡುಗಳೇ ಕುಸಿದು ಬಿದ್ದಿವೆ. ಮೆಟ್ರೋ ಪಿಲ್ಲರ್ ಕುಸಿದು ಸಂಭವಿಸಿದ ಈ ದುರ್ಘಟನೆಗೆ ಶೇ.40 ಕಮಿಷನ್ ಪರಿಣಾಮದ ಕಳಪೆ ಕಾಮಗಾರಿಯೇ ಕಾರಣ ಎಂಬ ಅಂಶ ಕೇಳಿಬರುತ್ತಿದೆ. ಟನ್‌ಗಟ್ಟಲೆ ತೂಕದ ಮೆಟ್ರೋ ಪಿಲ್ಲರ್ ದಿಢೀರ್‌ ಮರದ ಮೇಲೆ ಉರುಳಿ, ಆ ಮರದ ಕೊಂಬೆ ಅದೇ ಹೊತ್ತಿಗೆ ಬೈಕ್‌ನಲ್ಲಿ ತೆರಳುತ್ತಿದ್ದ ದಂಪತಿ ಮತ್ತು ಮಕ್ಕಳ ಮೇಲೆ ಬಿದ್ದಿದೆ.
ಗಂಭೀರ ಗಾಯಗೊಂಡ ತಾಯಿ-ಮಗು ದುರ್ಮರಣ ಹೊಂದಿ, ತಂದೆ – ಮಗು ಪ್ರಾಣಾಪಾಯದಿಂದ ಪಾರಾಗಿದ್ದಾರೆ. ಪಿಲ್ಲರ್ 218ರಲ್ಲಿ ಸ್ಟೇಜಿಂಗ್ ಮತ್ತು ಗೈವೈರ್ ಬೆಂಬಲದೊಂದಿಗೆ ಪಿಲ್ಲರ್ ನಿರ್ಮಾಣ ಹಾಗೂ ಬಲವರ್ಧನೆ ಕಾರ್ಯ ನಡೆಯುತ್ತಿತ್ತು. ಆದರೆ, 18 ಮೀಟರ್ ಎತ್ತರದ ಪಿಲ್ಲರ್ನ ಗೈವೈರ್‌ಗಳ ಪೈಕಿ ಒಂದು ತಂತಿ ಸಡಿಲಗೊಂಡು ತುಂಡಾಗಿದೆ. ಇದರಿಂದಾಗಿ ಪಿಲ್ಲರ್ ಕೆ.ಆರ್.ಪುರಂ ಹೆಬ್ಬಾಳ ಮುಖ್ಯರಸ್ತೆಗೆ ಅಡ್ಡವಾಗಿ ಬಿದ್ದಿದ್ದು, ಸಾವುನೋವು ಸಂಭವಿಸಿದೆ.
ಮೆಟ್ರೋ ಪಿಲ್ಲರ್ ಕುಸಿತಕ್ಕೆ ಇಬ್ಬರ ಬಲಿ ಪ್ರಕರಣದ ಬಗ್ಗೆ BMRCL NCC ಕಂಪನಿಗೆ ನೋಟಿಸ್ ನೀಡಿ, ವರದಿ ಕೇಳಿದೆ. BMRCL ಎಂ.ಡಿ ಎಂಜಿ ಅಂಜುಂ ಪರ್ವೇಜ್ ಮೂವರು ಮೆಟ್ರೋ ಎಂಜಿನಿಯರ್ಗಳ ವಜಾ ಮಾಡಿ ಆದೇಶ ಹೊರಡಿಸಿದ್ಧಾರೆ. ದುರಂತ ಸ್ಥಳದ ಜವಾಬ್ದಾರಿ ಹೊತ್ತಿದ್ದ ಡೆಪ್ಯೂಟಿ ಚೀಫ್ ಎಂಜಿನಿಯರ್, ಕಾಂಟ್ರಾಕ್ಟ್ ಮೇಲೆ ಕೆಲಸ ಮಾಡುತ್ತಿದ್ದ DCE, ಎಕ್ಸಿಕ್ಯುಟಿವ್ ಎಂಜಿನಿಯರ್, ಸೆಕ್ಷನ್ ಎಂಜಿನಿಯರ್ ವಜಾ ಗೊಳಿಸಲಾಗಿದೆ.
ಬಿಎಂಆರ್ಸಿಎಲ್ ಎಂಡಿ ಅಂಜುಂ ಪರ್ವೇಜ್ ಮಾತನಾಡಿ IISc ಮೂಲಕ ದುರಂತದ ಬಗ್ಗೆ ತನಿಗೆ ಮನವಿ ಮಾಡಿದ್ದೇವೆ. IISc ಇಂದು ಸಂಜೆಯಿಂದ ತನಿಖೆ ಮಾಡಲಿದೆ. BMRCL ಆಂತರಿಕ ತನಿಖೆ, ರೈಟ್ಸ್ ಸಂಸ್ಥೆಯಿಂದ ತನಿಖೆ ನಡೆಸಲಾಗುತ್ತದೆ. ಮೂರು ವರದಿ ಬಂದ ನಂತರ ಸೂಕ್ತ ಕ್ರಮ ಕೈಗೊಳ್ತೇವೆ. 12 ಅಡಿ ಅಂತರದ ಪಿಲ್ಲರ್ಗಳ ಕಾಮಗಾರಿ ಸ್ಥಗಿತವಾಗಿದೆ. ತಜ್ಞರ ಸಲಹೆ ಪಡೆದ ನಂತರ ಕೆಲ ಬದಲಾವಣೆಯಾಗಲಿದೆ ಎಂದು ಹೇಳಿದ್ದಾರೆ.
About Author
